Share Market Mein kyu hui Itni Girawat Aur Sone–Chandi Mein Tezi Ka kya hai raj?
Agar aapne aaj ki bazaar dekhi ho, to ek hi sawal dimag mein aa raha hoga – “ye sala bazaar gir kyun rahi hai aur sona–chandi itna kyun bhaag raha hai?” aaj pura samay Sensex–Nifty lagatar pressure mein the, jabki gold aur silver naye pe naye highs ko touch kar rahe the. Ye combination normally tab dikhta hai jab market mein dar hota hai ya koi badi war ki situation ya koi unpredictive happening.
Ab janiye Bazaar Girne Ke Bade Reasons
Pehla to Global Market Pressure
US markets me gatar dow futures aur Nasdaq futures kareeb 2% ki girawat dikha rahe the usse negative cues aa rahe the. Adhiktar dekha Gya hai ke US markets weak hote hain, to Indian market par bhi asar padta hai. Foreign investors yani (FII) risk kam karne ke liye paise nikalne lagte hain. Is wajah se aur girawat hui aaj ke share market mein.
Interest Rate aur Fed ka Impact
Whi US Federal Reserve ki taraf se bhi interest rates ko zyada time tak high rakhne ke signals mile hain. High rates ka matlab – borrowing mehengi, growth slow. Iska direct impact equities mrkets par padta hai.
Profit Booking aur Overvaluation
Ye bhi kaha ja raha hai Pichhle kuch mahino mein share market kaafi upar chali gayi thi. Kai stocks expensive ho chuke the. Aise mein investors profit book karte hain, jis se girawat aur tez ho jaati hai.
Geopolitical Tension
US president Donald Trump ke kuch bayano ne Middle East aur global politics mein chal rahi tension mein uncertainty badha di hai. Market uncertainty ko bilkul pasand nahi karti.
Sensex–Nifty Kyun Phisle?
Banking aur IT Stocks Ki Weakness
Share market mein aaj Banking aur IT jaise heavy-weight sectors mein selling pressure dikha. Jab bade stocks girte hain, to share market ke nifty sensex index ko sambhalna mushkil ho jaata hai.
Midcap–Smallcap ne ki Tabahi
Pichel kafi hafto se Midcap aur smallcap stocks mein pehle hi kaafi rally aa chuki thi. Ab share market ke is indices mein bhi correction zyada sharp ho raha hai, jo overall sentiment ko aur negative bana raha hai.
Ab bat karte Hain Sona aur Chandi Mein Achanak itni Tezi Kyun?
Jab share market hilta hai, tab investors safety dhoondhte hain. Gold aur silver ko traditionally safe haven mana jaata hai. Isliye wahan demand badh jaati hai wo bat alag haiki is bar ki rally abhi tak ki sabse badi aur kafi dimag ko hila dene wali rally hai kyuki samajh hi nahi aa raha hai ki kaha khareedein.
Dollar aur Bond Yield Ka Role
Dollar mein weakness aur bond yields mein volatility aane se precious metals attractive ho jaate hain. Investors apna paisa metal ki taraf shift karte hain. to share market me selling ka pressure isse bhi badhta hai
Inflation Fear (dar ka mohol)
Inflation ka darr abhi bhi market mein hai. Gold ko inflation hedge mana jaata hai, isi liye long term investors yahan entry le rahe hain.
Investor Psychology
Kya Ye Buying Opportunity Hai Ya abhi aur selling baki hai?
Ye poori tarah aapke time horizon par depend karta hai ki share market mein Short term traders ke liye volatility risky ho sakti hai. Long term investors ke liye, achhe stocks dheere-dheere accumulate karne ka mauka ban sakta hai – lekin bina jaldbazi ke. Aur ab Simple shabdon mein samjho – jab dar hota hai, log risk chhod kar suraksha ki taraf bhaagte hain. Aaj stock market dar dikha raha hai, aur gold–silver us dar ka direct fayda utha rahe hain.
Long Term Investors Ke Liye Strategy
Panic selling se bacho
Strong fundamentals wale stocks par focus rakho
Portfolio ko diversify rakho – equity + gold ka balance zaroori hai
FAQs
Q1. Kya share market aur girega?
Short term mein volatility reh sakti hai, lekin exact bottom predict karna mushkil hai.
Q2. Kya gold abhi buy karna sahi hai?
Long term ke liye gold portfolio diversification ke liye theek hai, lekin lump sum se bacho.
Q3. Smallcap stocks ka kya karein?
Quality stocks hold rakho, weak fundamentals wale avoid karo.
Q4. Kya ye crash hai ya correction?
Abhi zyada tar log ise correction hi maan rahe hain, crash nahi.
Q5. Beginners ke liye best advice?
Panic mat karo, seekho aur disciplined investing par focus rakho.
🏡 Stay Near Ayodhya Ram Mandir
Agar aap Ayodhya Ram Mandir ke paas stay plan kar rahe ho, to ek peaceful aur convenient option hai Shree Rameshth Homestay.
Ye homestay Ram Mandir ke bilkul kareeb located hai aur yahan se Ram Mandir saamne clearly dikhai deta hai, jo spiritual experience ko aur special bana deta hai.
Clean rooms, calm environment aur mandir ke paas hone ki wajah se ye homestay families, devotees aur solo travellers ke liye kaafi suitable hai.
📍 Location (Google Maps):
👉 Shree Rameshth Homestay – Ayodhya
Note: Agar aap Ram Mandir visit ke liye Ayodhya aa rahe ho, to mandir ke bilkul paas stay karna ek alag hi sukoon deta hai.